Archive | فيس بوك RSS feed for this section

خطة انتقال السلطة من المجلس العسكري لحكومة منتخبة

23 Nov

اقتراح نقل السلطة من المجلس العسكري
————————————————–

1- انتخابات مجلس الشعب كلها في يوم على مستوى الجمهورية و الإعادة كلها في يوم و إذا لم يكفِ اليوم يمد القضاة فترة التصويت لليوم التالي .
2- انتخابات مجلس الشورى كلها في يوم على مستوى الجمهورية و الإعادة في يوم و ما يسري على انتخابات مجلس الشعب إذا لم يتمكن الكثير من التصويت يسري على انتخابات مجلس الشورى
3- تدخل اللجنة الانتخابية مجلس الشعب و تأخذ 3 بطاقات واحدة للفردي و واحدة للقوائم وواحدة للانتخابات الرئاسية
4-ممكن لو القانون الجديد معقد و لا نريده نلغيه و نرجع للقانون القديم لانتخابات مجلس الشعب . نحن الآن في موقف تفاوضي أقوى من المجلس العسكري
5- تستمر الحكومة الحالية في عملها و يقوم مجلس الشعب الجديد بتشكل الحكومة انقاذ وطني
6- بالنسبة لمشكلة الإشراف القضائي ممكن جعا قاضي لكل مدرسة و ليس شرطا أن يكون قاضي لكل صندوق أو لجنة ( على فكرة حاليا الجنة العليا للانتخابات تقول قاضي لكل أربع لجان )
6- بالتالي الانتخابات تؤجل شهر أو اسبوعين للإعداد للانتخابات الرئاسة
7- المجلس العسكري بهذا الاقتراح يغادر السلطة بعد شهرين على الأكثر و يفتتح مجلس الشعب في 25 يناير لو احنا عاوزين نعمل احتفالات
جوهر الاقتراح هو إجراء انتخابات الرئاسة بالتزامن مع انتخابات مجلس الشعب في صنودق منفصل أي أن تكون اللجنة بها 3 صناديق واحد للفردي و أخر للقائمة و أخر للانتخابات الرئاسية

خطة انتقال السلطة من المجلس العسكري

Advertisements

مشاهد من التحرير يوم 28 أكتوبر

29 Oct

طبعا أنا كنت نازل التحرير يوم 28 أكتوبر عشان الاكتتاب بتاع القناة” الشعب يريد” و طبعا لا كان فيه اكتتاب و لا يحزنون و بعد كدا يوم الخميس بليل سمعت ان فيه واحد اتقتل اسمه عصام على عطا اتعذب في السجن  و مات من التعذيب و الناس مصممة انها تشيع جنازته من التحرير فقولت لازم ننزل عشان نعمل شوية زخم في الشارع لأني شوفت ان الكلام اللي اتقال على خالد سعيد بدأ يتقال مرة تانية على عصام ( دا عيل حشاش , دا مسجل خطر , زي ما قالوا على خالد سعيد انه حشاش و اتفصل من الجيش و بيشرب بانجو و و ) , الحاجات دي اثرت في نفسي جدا لأن واضح اننا متعملناش حاجة من التاريخ و التجربة . الشهادة لله ان أغلب صحابي كان موقفهم من عصام كان جيد و الناس كانت حاسة ان اللي حصل دا غلط مع انهم شاكّين لكن المرة دي عكس خالد سعيد كانوا متعاطفين   جدا لكن في شوية عيال على رأي الدكتور باسم ” عيل عنده عشر سنين قاعد في أوضة ضلمة ” مطينين عيشتنا ..

المهم أنا وصلت الميدان و قعدت أدور على  الاكتتاب ملقتش حد قعدت ألف في الميدان لاقيت طبعا كالعادة مفيش أي تفتيش عند البوابات و العربيات ماشية عادي خالص من ناحية قصر النيل و المتحف المصري حتى الموتسيكلات كانت بتيجي من ناحية محمد محمود و القصر لعيني و تدخل بين الناس عداي و تكمل و لما تيجي توقف حد يقولك يا عن احنا عاوزين نكمل و تشد معاه .

دا بالنسبة للمرور

.

بالنسبة للمنصات كان فيه منصة لحازم صلاح و منصة عند هاديز اللي هي المفروض المنصة الرئيسية لكن الناس كان عند حازم صلاح أكتر روحت أقف عند حازم صلاح لقيهم بيتكلموا عن تطبيق الشريعة و وجوب الدولة الإسلامية فاتخنقت و مشيت _ احنا جايين نتكلم عن انتخابات الرئاسة و تسليم السلطة للمدنيين و تشييع جنازة الرجل اللي تقتل في السجن  ايه بقى جاب موضوع الشريعة دلوقتي ؟

 

لكن الحق يتقال ان المنصة كانت بترحب بكل الناس و كان الراجل دايما بيقول انهم إخواتنا بعد كدا واحد من 6 إبريل  طلع على المنصة يقول شوية كلام مش مهم نحكيهم هنا دلوقتي و كذا واحد برضه طلعوا يتكلموا .

 

و أنا عمال أفكر وبكتب على تويتر قابلت واحد من زمايلي — قالي إزيك يا دكتور أحمد ( بكره كلمة دكتور جدا) انت فين ؟ قولتله إزيك يا فريد  أنا الحمد لله عاش من شافك و بعد كدا قالي تعال أنا معايا ناس من زمايلي , و احنا ماشيين فبيقول  هي الدفنة إمتى ؟ قولتله معرفش  لكن المنصة بتقول إنهم مش عاوزين يسلمولهم الجثة و أنا على تويتر الكلام انه الجثة خلاص اتسلت و جاية من القصر العيني و فعلا بعد ساعة بالظبط كانت الجثة وصلت

 

— قبل ما الجثة ما توصل قعدت أتكلم أنا  وزمايله على البلد و الثورة و الكجلس العسكري و كان فيه إجماع ان البلد ماشية في الاتجاه الغلط  و المجلس العسكري بيخون الثورة و بيلعب لمصلحته لكن فيه انقسام هل المجلس عاوز الحكم و لا لأ فيه ناس تقول هو عاوز امتيازات و و مش هيمشي إلا بعد الدستور بعد ما يتحط مادة في الدستور انهم فوق المحاسبة و أنا أظن أن المجلس مش هيسبها ببساطة لأن محدش في السلطة بيسبها إلا لما يكون فيه توازنات قوى و القوى السياسية حاليا ممعهاش متفرقة و مش طايقين بعض و الناس في الشارع كل واحد عامل حزب لنفسه و مش متفقين على حاجة و خروج المجلس العسكري من الحكم لازم يبقى معانا رادع و القوة في صالحنا  و دا مش متوفر حاليا .

 

— بعد كدا الجثة وصلت من ناحية القصر العيني فعلا و المغرب كان دخل و أول ما جابوا الجثة نزلوها من العربية و فاعدوا يلفوا بيها الميدان و الناس عماله تجري وراهم و بعد كدا  قاموا دخوا بيها على عمر مكرم  طبع الشارع قدام عمر مكرم كان زحمة جدا و الناس كانت بدأت تنتظم في الصفوف بعد كدا قام شيخ قال ان الناس اللي بتصلي في الشارع قدام الإمام صلاتهم باطلة !! و لازم يرجعوا وراء الإمام طبعا حصل هرج و مرج و أنا قعدت أفهم الناس ان دا اضطرار و الناس بتصلي قدام الإمام في الحرم المكي و مفيش حاجة لكن برضه في ناس رجعت المشكلة ان الناس انقسمت فيه ناس معرفتش ترجع ورا الإمام ( لازم ينطوا ورا السور في الجنينة جنب تمثال عمر مكرم ) فالناس دي  وقفت مكانها و أنا منهم لأن الدنيا كانت زحمة و الإمام بدأ الصلاة بعد الكلام بتاعه علطول فصليان مكانا و خلاص و اللي معرفش يرجع وقف قدامنا و مصلاش !! و بكدا يبقى المرحوم خسر الناس اللي مصلتش عليه

* تعليقي : دا طبعا قمة التهريج الإمام لو مذاكر كويس كان عرف ان مذهب المالكية ممكن تصلي قدام الإمام من غير كراهة لو كان هناك ضرورة ليه بقى تجبر الناس على مذهب أبو حنيفة و الحنابلة ؟ المشكلة انك تحاول تفهم الناس  ان الصلاة في الحرم قدام الإمام بتحصل و مفيش حاجة برضه يقولك لأ هو فاهم أحسن مننا ! لا حول و لا قوة إلا بالله  ! مبقناش عارفين نشغل مخنا

 

— بعد كدا الجنازة خرجت من الجامع و برضه مصممين يلفوا بيه الميدان طبعا كل دا و انا و زميلي واقفين مع بعض لحسن نتوه من بعض في الزحمة , هم قاعدوا يلفوا كذا مرة لغاية و انا ماشي لقيت أمه و اخته بيعيطوا قولتلهم فيه ايه قالولي عاوزين ندفنه مش عارفين حد يخليهم يحطوا الجثة في العربية و يطلعوا على البساتين , صعبت على و روحت انا و زميلي جرينا لغاية واوصلنا قدام الجنازة و كلمنا الناس اللي شايلين الجثة و قولتهم أمه بتعيط و عاوزاه يندفن ( كانت الجنازة ساعتها ورا مجمع التحرير )

قالولي ماشي ماشي طبعا انا عارف انهم مش هيسمعوا الكلام و هيفضلوا يلفوا بيه و يقولوا يسقط يسقط المشير و يسقط المجلس العسكري في الليلة الهباب دي

 

من حسن الحظ ان أنا لقيت العريية اللي كانت جايباه من المشرحة واقفة قدام عمر مكرم قولته أقف هنا ( قدام المفارق بين  عمر مكرم و المجمع عند سميراميس ) و اقطع عليهم السكة و متخليش حد يعدي  و خد الجثة و امشي من هنا . طبعا هو وقف قدامهم و قمة التهريج بدات كل واحد عاوز يركب في العربية و الإتنين اللي قاعدين مع السواق قدام مش عارفين يعملوا حاجة لغاية ما الناس فتحت الباب الخلفى ( عربية تويتا قديمة ) و منعوا أي حد يدخل مع التابوت إلا اللي كانوا جوا .

 

بعد كدا السواق مشي من قدام السفارة الأمريكية و الناس مشيت معاه  و معرفش إزاي دا حصل  لكن فيه طوب اتحدف على الناس و فيه 2 أو 3 راسهم اتفتحت  فجأة لقيت ضرب النار بدأ قدام السفارة الأمريكية في الهوا  , لن فيه بعض الشباب وقفوا يهتفوا قدام السفارة , و الناس بدات ترجع الميدان بعد ما العربية كملت و مشيت على البساتين .

 

رجعت انا و زميلي و صلينا العشاء  و بعد كدا قعدنا شوية لقيان العيال بتوع الجرافيتي قاعدين بيتكلموا و مش عارفين اي حاجة و الناس التانية قاعدين بتكلموا في أي حاجة و ناس عند المنصة عمالين يخطبوا خطبة دينية  و تطبيق الشريعة برضه  وو احد من زمايلي بيقول انا لو الإخوان حكموا البلد هغير جنسية و ههاجر ! و أنا مروح في المواصلات لقيت السواق مشغل أغنية ظلموه !

 

و أخيرا رجعت البيت !

 

http://www.facebook.com/notes/ahmad-abdullah/%D9%85%D8%B4%D8%A7%D9%87%D8%AF-%D9%85%D9%86-%D8%A7%D9%84%D8%AA%D8%AD%D8%B1%D9%8A%D8%B1-%D9%8A%D9%88%D9%85-28-%D8%A3%D9%83%D8%AA%D9%88%D8%A8%D8%B1/10150349728261936

ماذا حدث في إمبابة : نظرية المؤامرة .. عاوزين كاميليا ليه ؟

8 May

لا أستطيع أن افصل بين ما حدث لكنيسة إمبابة أمس و الفيديو الذي ظهرت فيه كاميليا شحاته على قناة الحياة المسيحية

عندما شاهدت ما حدث قلت لا بد ان يكون هناك رابط بين الإثنين

في البداية حدثتني نفسي إصبر قليلا علك تجد تفسيرا لما حدث ثم توالت النباء

قرأت في المصري اليوم إن سبب الموضوع أن رجلا من أسيوط تزوج إمراة مسيحية إسمها عبير أسلمت و يعيشان في بنها هما الإثنان ثم إختفت المراة ! و لا تعرف كيف حدث هذا ثم إذ به يتلقى مكالمة تليفونية من أحدهم ( و بالطبع لا نعرف من هو هذا الأحد ) قائلا ” إلحق مراتك مخطوفة في الكنيسة في إمبابة ”
أول ما تبادر في ذهني أن هذا غير معقول فكيف لرجل من أسيوط يعيش في بنها تخطف إمراته في كنيسة في إمبابة ” إيه اللي لم الشامي على المغربي !!
قلت في نفسي حتى إن كان الخبر صحيحا فإن ” هذا الذي إتصل ” إنما يريد إشعال الفتنة الطائفية حيث يذهب الرجل إلى هناك في تلك الكنيسة ثم يتجمع حوله الدهماء من كل صوب و مكان و تندلع المظاهرات كالنار في الهشيم

تصادف أني كتب شيئا على الفيس بوك في نفس اللحظة و قلت ” يا نهار إسود في نار بتتضرب من جوا الكنيسة ” فإذا بأحد أصدقائي المسيحيين الذين أعتز بمعرفتهم يرد على و يقول   لا لا ليس صحيحا أنا كنت هناك !
ثم اردف قائلا ” الموضوع بدأ إن فيه شوية سلفيين جم عاوزين البنت اللي جوا و لا فيه بنت و لا حاجة أنا كنت هناك ساعتها لكن محدش صدق و لما الناس حست إن السلفيين هيهجموا على الكنيسة فتحوا عليهم النار !!”
قلت حسنا من هم هؤلاء الناس الذين يملكون أسلحة ؟
قال لى الناس هناك صعايدة و الكنيسة في شارع كله صعايدة مسيحيين و السلاح هناك زي الرز

تذكرت في ذلك الوقت إمبابة ! نعم إنها إمبابة و اللي ما يشتري يتفرج !!

سالت نفسي تارة أخرى لماذا السلفيين هم من تجمعوا  ؟ فإذا بي بطريقة لا إرادية أعود لخبر المصري اليوم فإذا بالرجل يقول ” إنه بعد ما سمع إن إمراته خطفت تحدث إلى السلفيين ليخرجوها من هناك ”
حسرة عليك يا أزهر لكن ظل السؤال يتردد في أنحاء عقلي جميعا كيف وصل هذا الرجل للسلفيين و هو من أسيوط و يمكث في بنها !!
لابد أن هناك شيئا ناقصا في الرواية أو أنها من صنع الصحافة الصفراء القذرة أو أحد المهابيل على تويتر

ثم قرأت أنه لم تكن هناك أية إمراة و أن القصة كلها مفبركة و أن هناك من يحرض
تقديري الأولي أن هناك فعلا من  يلعب بورقة الفتنة الطائفية في الأماكن الشعبية التي ينتشر فيها الجهل فهناك الناس عندها استعداد فطري للإنقياد وراء الشائعات و أن هناك من يحاول أن يبعت رسالة مفادها
” خلاص بقى هو مش كفاية اللي حصل في صول و قنا و الإسكندرية إمبابة “؟ عاوزين كاميليا ليه

الفيسبوك

أنا مصري مع الإنتفاضة

24 Apr

أنا مصري مع الإنتفاضة  الثالثة ضد اليهود و أمريكا

الإنتفاضة الثالثة 

سماحة الإسلام مع غير المسلمين الجزء الأول

24 Mar

هذه مجموعة من القُصاصات أجمعها من الكتب كي أوضح ببيان أنه الإسلام كان سمحا مع غير المسلمين طوال عهده , و جزء منها مكتوب في كتاب فهمي هويدي مواطنون لا ذميون .

يقول ول ديورانت في كتابه قصة الحضارة الجزء الثالث ص 132 “إن الفترة الواقعة بين خلافة السفاح و حتى نهاية عصر المعتصم تعتبر من العصور الزاهرة في تاريخ أهل الذمة لما لقيه أهل الذمة من تسانح في ممارسة شعائرهم الدينية و في بناء الكنائس و الأديرة و في مساوتهم بالمسلمين في الوظائف فكانت طوائف الموظفيين الرسميين تضم مئات المسيحيين و قد بلغ عدد الذين رقوا منهم إلى مناصب الدولة العليا من الكثرة أثارت شكوك المسلمين ”

وورد في رسائل الجاحظ صـــــ18 تعليقا على هذا “إنهم نافسوا المسلمين في لباسهم و ركوبهم و ألقابهم و تسموا بالحسن و الحسين و العباس و الفضل و علي و إكتنوا بذلك أجمع فرغب إليهم المسلمين و ترك كثير منهم عقد الزنانير و امتنع كثير من كبرائهم عن إعطاء الجزية و أنفوا مع إقتدارهم على دفعها ”

و يزيد الأصفهاني في كتابه الأغاني جزء 8 صــــــ136 “في الوقت ذاته كانت الجامعات و المعاهد الإسلامية مفتوحة عل مصراعيها لأهل الذمة حتى تتلمذوا على أيدي علماء و فقهاء مسلمين فدرس حنين بن إسحق على يدالخليل الفراهيدي و سيبويه حتى صبح حجة في اللغة العربية و تتلمذ يحيى بن عدي على يد الفارابي و درس ثابت بن قره على يد محمد بن موسى ” فهل علمتم لماذا كمنا الدولة العظمى و الأمة الأولى في ذلك الوقت ؟ أتركم في أمان الله مع حلقة أخرى من حلقات سماحة الإسلام مع غير المسلمين

كيف يمكن إسقاط الرئيس

10 Feb

أشرح هنا ما هي الخيارات المتاحة أمامنا غدا يوم الجمعة بناءا على الواقع الآن

الواقع هو

1-أن ميدان التحرير يراد له أن يكون كهايد بارك في لندن و لا يذهب المتظاهرون إلا إليه  أو الشوارع المحيطة  به   و طالما بقينا في ميدان التحرير فلن تفلح المظاهرات إلا في غلق المجلات في هذا الميدان – على العموم في ظهيرة الأمس كنت في طلعت حرب و كانت أغلب المحلات مفتوحة حتى التي في الميدان  هذا بالإضافة إلى أن المرور بدأ يعود تدريجيا إلى ميدان طلعت حرب حتى لما كانت هناك مظاهرات

2-أن مبارك مازال ممسكا بزمام الأمور إعتمادا على ما يراه من  ولاء قادة الجيش له  أو قل الحرس الجمهوري

3-ما يدور في علق مبارك الآن هو كيف يخرج من السلطة معززا مكرما دون توجيه إتهامات له  هو أو إبنيه أو إمرأته

4-مع حالة شبه الغياب الأمنى إلا هناك حالة من الأمان في المجتمع  (غاب الأمن فعاد الأمان )

5-هناك طائفة كبيرة من المصريين لا يريدون إستمرار التظاهر و يريدون إنهائها و العودة إلى أعمالهم  و إلى سابق عهدهم بالحياة

6- مبارك سوف ينقل السلطة لسليمان و هو ما لا يرده أكثرنا  بناءا على قبول 125 طعنا لا أكثر  من ال 486 طعنا  من الطعون المقدمة بإسقاط عضوية أعضاء مجلس الشعب

 

بناءا على ذلك أقول

1- طالما بقينا في الميدان فلن يستجاب لمطالبنا

2-لا نستطيع أن نغامر بأي نوع من الإحتكاك مع أصحاب المحلات في وسط البلد أو المنطقة المحيطة بها  فهم أكثر المضاريين من المظاهرات

3-يجب التوجه إلى أماكن حيوية في الدولة بالقرب من قصر الرئاسة و لنقلن الكربة مثلا

4- هذه الخطوة الأخيرة الهدف منها إمتحان أعصاب الحرس الجمهوري المحيط بالمنطقة مع إحتمال وقوع خسائر كبيرة

5-إن لم يستجب الحرس الجمهوري – و لا أقول الجيش المصري – فقد نظطر لتقديم تنازلات منها بقاء الرئيس في السلطة حتى نهاية فترته الرئاسية

6-أذكر مرة أخرى أن الحرس الجمهوري و ليس الجيش هو من يحمي الرئيس

 

 

 

حوارات ما بعد ثورة تونس إلى يوم 25 يناير في مصر : الجزء الثاني

8 Feb

هذا هو الجزء الثاني من الحوارات و هذا الحوار حدث في يوم 24 يناير قرب الساعة 11 مساءا

إستبدلت إسم صديقي بكلمة تيتو

 

صديقي : السلام عليكم ازيك يادكتور

أنا : و عليكم السلام  إزيك يا تيتو عامل إيه

صديقي :  الحمد لله انت لسه فاكرنى ولا

أنا : لا يا راجل دا كلام دا

صديقي :  ههههههه المهم انت فين دلوقتى

أنا : أنا في البيت

صديقي :  لا ااقصد حياتك ايه دلوقتىشغال فين يعنى كدا

أنا : أنا في الجامعة دلوقتي

صديقي :  ربنا يوفقك ياربانت ابن حلال وتستاهل كل خير

صديقي :  الله يكرمك إنت فين دلوقتي؟لسه في الخليج؟

صديقي :  ايوه يعنى اللى زيى مافيش مستقبل في مصر

أنا :  ليه بس كدا

صديقي :  المهم مصر عامله ايه بالحوارات بتاعت الثوره دىفعلا فى مظاهره بكره

أنا : طبعا بكرة في مظاهرة كبيرة جدا

صديقي :  كل المصريين هنا فاكرين كلام بس

أنا : بيحلمو

صديقي :  هههههه انت ايه رايك نازل

أنا :أنا زميلي اللي عمرهم ما إتكلموا في الساسة نازليين بكرة طبعا نازل وش

وانت؟

صديقي :  ههههههههههههههههههه والله كان نفسى اكون ف مصر وانزل معاكوا

أنا : غير بقلبك

صديقي :  طبعاربنا يوفقكوا بكره وتعملوا حاجه

أنا : لا إحنا عاوزين حاجات معينة

صديقي :  عشان الشباب يشتغل ومايسافرش

أنا : حل مجلس الشعب زيادة الرواتب فرص عمل زيادة

صديقي :  هو دا الاساس طبعا ماكنش اللى زييى اتغرب وساب اهله وبلده

أنا : أكيد أكيد

صديقي :  بجد ياأحمد الغربه بتقهر الانسان صعبه جدا

أنا : أنا عارف و الله

صديقي : بس الحمد لله

أنا :دا الواحد لما كان بيسافر كان  بيطلع عين أهله

صديقي :  كدا كدا احنا لبلدنا مش للحكومه الفاسدهوبجد

أنا : بالظبط

صديقي :  الناس كلها لو المضاهره دى نجحت هينزلوا مصر

أنا : مش للدرجة دي بس هي هتبقى البداية

%d bloggers like this: