Archive | سياسة Politics RSS feed for this section

النتيجة النهائية لانتخابات المرحلة الأولى من انتخابات مجلس الشعب المصري #egyelections @AhmadMAbdullah Complete

1 Dec

توزيع مقاعد مجلس الشعب المرحلة الأولى بالدوائر  #egyelections 2011

توزيع مقاعد مجلس الشعب المرحلة الأولى بالدوائر #egyelections

نتيجة المرحلة الأولى من الإنتخابات مجلس الشعب 2011 #egyelections
نتيجة المرحلة الأولى من الإنتخابات مجلس الشعب 2011 #egyelections

 

سوف انشر نتيجة المقاعد في الدوائر طبعا هذا  بفرض إن القوائم كلها أخدت نسبة ال 0.5 % على المستوى الجمهورية ( الحرية و العدالة و النور و الوسط و الوفد و الكتلة بالتأكيد سيتعدوا نسبة ال 0.5 % بناءا على نتيجة المرحلة الأولى

لمعرفة طريقة حساب  المقاعد  إقرأ هذة المقالة

بورسعيد قوائم ( 4 مقاعد )

 عدد الأصوات الصحيحة هو 295556 بالتالي يكون هناك 73889 صوت لكل مقعد و يكون توزيع المقاعد كالتالي :

-حرية و عدالة 96532 صوت يأخذ مقعد واحد (25 %)

-النور 61136 صوت يأخذ مقعد واحد (25 %)

– الوسط  38080 صوت يأخذ مقعد واحد (25 %)

-الوفد 41059 صوت يأخذ مقعد واحد (25 %)

– الكتلة المصري 29000  صوت لن تحوز على أي مقعد .

 محافظة أسيوط  ( دائرتان كل واحدة منهما 8 مقاعد )

بالنسبة للدائرة الأولى  في أسيوط  ( دائرة أسيوط الأولى )

عدد الأصوات الصحيحة  657,027 صوت .

الحرية و العدالة  261321 صوت   يأخذ 3 مقاعد – بنسبة 37.5 %

حزب النور 136920 صوت  يأخذ مقعدين ( 2 مقعد) بنسبة 25 %

الكتلة المصرية 133437 صوت  يأخذ مقعدين ( 2 مقعد) بنسبة 25 %

-حزب الوفد له 24497 صوت يأخذ مقعد واحد بنسبة 12.5%

بالنسبة لدائرة أسيوط الثانية  ( الدائرة الثانية في أسيوط )

عدد الأصوات الصحيحة  393188 ألف صوت

حزب الحرية و العدالة  128072 صوت يأخذ  يأخذ  3 مقاعد ( 3 مقعد ) بنسبة 37.5 %

حزب النور 41458  صوت يأخذ  ( يأخذ 3 مقاعد ( 3 مقعد ) بنسبة 37.5 %

الكتلة المصرية 31788 صوت يأخذ  ( يأخذ مقعدين ) 2 مقعد بنسبة 25 %

 محافظة الفيوم ( دائرتان الأولى 8 مقاعد و الثانية 4 مقاعد )

بالنسبة للدائرة الأولى   “قسم شرطة الفيوم ومراكز الفيوم وطامية وإطسا

عدد الأصوات الصحيحة 447743 صوت موزعة كاالتالي

الحرية و العدالة  200976 صوت يأخذ  4 مقاعد ( 50 %)

حزب النور   130,093 صوت يأخذ مقعدين ( 2 مقعد ) ( 25 %)

حزب الحرية 26,643 صوت يأخذ مقعد واحد (12.5 %)

إئتلاف الثورة مستمرة 22365 صوت يأخذ مقعد واحد (12.5 %) – ملاحظة مهمة إذا لم يحصل إئتلاف شباب الثورة على  نسبة 0.5 % من الأصوات على مستوى الجمهورية يذهب المقعد الذي حاز عليه إلى حزب النور

باقي القوائم لا تحصل على أي شىء

 

بالنسبة للدائرة الثانية بالفيوم  “مراكز سنورس وإبشواي ويوسف الصديق

عدد الأصوات الصحيحة  291,143 موزعة كالتالي :

الحرية و العدالة 131,153 صوت يأخذ  مقعد واحد ( 2 مقاعد بنسبة 50 %)

حزب النور 116,534 صوت يأخذ  مقعد واحد (  2 مقاعد بنسبة 50 % )

و باقي الأصوات مفتتة لا تأخذ شىء

الأقصر ( دائرة واحدة لها 4 مقاعد )

عدد الأصوات الصحيحة  321285 صوت موزعة كالتالي :

الحرية و العدالة 118566 صوت يأخذ 2 مقعد بنسبة 50 %

النور  50691 صوت ياخذ مقعد واحد ( 1 مقعد بنسبة 25 %)

الكتلة المصرية 41726 تأخذ مقعد واحد ( 1 مقعد بنسبة 25 %)

باقي القوائم لا تأخذ شىء , أصوات مفتتة

البحر الأحمر  ( دائرة واحدة لها 4 مقاعد )

عدد الأصوات الصحيحة  113825 صوت موزعة كالتالي

–  الحرية و العدالة  40606 صوت  يأخذ  2 مقعد بنسبة 50 %

الكتلة المصرية 19297 صوت ياخذ مقعد واحد  (25 %)

–  المواطن المصري 16219 و إذا لم يأخذ هذا الحزب نسبة ال 0.5 % على مستوى الجمهورية يذهب المقعد لحزب الوفد  (11044 صوت ) بنسبة ( 1 مقعد بنسبة 25 %)

 

دمياط ( دائرة واحدة لها 8 مقاعد )

عدد الأصوات الصحيحة  541324 موزعة كالتالي :

الحرية و العدالة : 176897 صوت يأخذ 3 مقاعد بنسبة  37.5 %

حزب النور السلفي 209274 صوت يأخذ 3 مقاعد بنسبة 37.5 %

حزب الوسط  73629 صوت يأخذ 1 مقعد ( 1 مقعد ) بنسبة 12.5 %

حزب الوفد 24564 صوت يأخذ مقعد  ( 1 مقعد ) بنسبة 12.5 %

القاهرة ( 4 دوائر  الأولى لها 10 مقاعد , الثانية لها 8 مقاعد , الثالثة لها  8 مقاعد و الرابعة لها 10 مقاعد )

بالنسبة للدائرة الأولى كان عدد الأصوات الصحيحة 1082142  موزعة كالتالي :

الحرية و العدالة 426938 صوت  و يأخذ  4 مقاعد بنسبة 50 %

الكتلة المصرية 254339 صوت لها 2 مقعد ( مقعدين ) بنسبة 25 %

حزب النور 166195 صوت له مقعد واحد بنسبة  12.5 %

حزب الوفد 67416 صوت , يأخذ مقعد واحد بنسبة 12.5 %

بالنسبة للدائرة الثانية كان عدد الأصوات الصحيحة 881395 موزعة كالتالي :

الحرية و العدالة 31229 صوت  و يأخذ  3 مقاعد بنسبة 37.5 %

الكتلة المصرية 229624 صوت لها 2 مقعد ( مقعدين ) بنسبة 25 %

حزب النور 99032 صوت له مقعد واحد نسبة 12.5 %

حزب الوسط 63275 صوت , يأخذ مقعد واحد بنسبة 12.5 %

حزب الوفد 50437 صوت , يأخذ مقعد واحد بنسبة 12.5 %

بالنسبة للدائرة الثالثة كان عدد الأصوات الصحيحة 408692 موزعة كالتالي :

الحرية و العدالة 163235 صوت  و يأخذ  3 مقاعد بنسبة 37.5 %

الكتلة المصرية 74897 صوت لها  مقعد ( 1 مقعد) بنسبة 25 %

حزب الوفد 59942 صوت له مقعد واحد نسبة 12.5 %

حزب النور 59342 صوت , يأخذ مقعد واحد بنسبة 12.5 %

الثورة مستمرة 14080 صوت , يأخذ مقعد واحد بنسبة 12.5 %

حزب الوسط 11962 صوت يأخذ مقعد واحد بنسبة 12.5 %

بالنسبة للدائرة الرابعة كان عدد الأصوات الصحيحة 1125467 موزعة كالتالي :

الحرية و العدالة 455623 صوت  و يأخذ  4 مقاعد بنسبة 40 %

قائمة النور 217750 صوت لها  مقعدين ( 2 مقعد) بنسبة 20 %

الكتلة المصرية 147880 صوت له مقعد واحد نسبة 10 %

حزب الوفد 82399 صوت , يأخذ مقعد واحد بنسبة 10 %

الثورة مستمرة 400712 صوت , يأخذ مقعد واحد بنسبة 10 %

الوسط 38132 صوت , يأخذ مقعد واحد بنسبة 10 %

كفر الشبخ  ( دائرتان الأولى8 مقاعد و الثانية 4 مقاعد )

بالنسبة لدائرة كفر الشيخ الأولى  

عدد الأصوات الصحيحة 703000 صوت موزعين كالتالي

حزب النور 275795  صوت ياخذ  3 مقاعد بنسبة 37.5 %

الحرية و العدالة 209457  صوت يأخذ  3 مقاعد بنسبة 37.5 %

الوفد  86318  صوت يأخذ  مقعد واحد بنسبة 25 %

يتبقى مقعد واحد يذهب إلى حزب الإصلاح و التنمية إذا حقق نسبة ال 0.5 % على مستوى الجمهورية فإا لم يحقق نسبة ال 0.5 % يذهب المقعد إلى حزب السلام إذا حقق النسبة فإن لم يحقق النسبة يذهب المقعد إلى الاتحاد إذا حقق نسبة ال 0.5 %  فإن لم يحققها يذهب المقعد إلى حزب النور

بالنسبة لدائرة كفر الشيخ الثانية 

كانت عدد الأصوات الصحيحة 301139 موزعة كاالتالي

الحرية و العدالة  92750 صوت يأخذ مقعد واحد بنسبة 25 %

حزب النور 67634 صوت يأخذ مقعد واحد بنسبة 25 %

حزب الوفد 46540 صوت تأخذ مقعد واحد بنسبة 25 %

يتبقى مقعد واحد يذهب لحزب مصر القومي إذا حاز على نسبة ال 0.5 % على مستوى الجمهورية , فإن لم يحز عليها ذهب المقعدلحزب الوسط

الإسكندرية ( دائرتان الأولى لها 6 مقاعد و الثانية لها 10 مقاعد )

بالنسبة للدائرة الأولى 

كان عدد الأصوات الصحيحة 1133799موزع كالتالي :

الحرية و العدالة : 395916 صوت يأخذ مقعدين بنسبة 33.3 %

حزب النور 342020 صوت يأخذ مقعدين بنسبة 33.3 %

الكتلة المصرية 184407 صوت تأخذ مقعد واحد بنسبة  16.6 %

حزب الوفد 73677 يأخذ مقعد واحد بنسبة 16.6 %

بالنسبة للدائرة الثانية 

كان عدد الأصوات الصحيحة 1,013,473 موزعة كالتالي :

الحرية و العدالة  357,990 صوت  يأخذ 3 مقاعد بنسبة 30 %

النور 334,051 صوت يأخذ 3 مقاعد  بنسبة 30 %

الكتلة المصرية 62,305 صوت تأخذ 2 مقعد ( مقعدين بنسبة 20 %

الوفد 56,259 له مقعد واحد بنسبة 10 %

قائمة الثورة مستمرة 101,711 لها مقعد واحد فقط بنسبة 10 % إذا أدركت نسبة ال 0.5 % على مستوى الجمهورية و إن لم تفعل يذهب إلى حزب الوسط بنسبة 10 %


مخالفات تم رصدها في الانتخابات المصري #egyelections updated Egyptian elections reports 2011 #elections2011 @ahmadmabdullah

28 Nov

تم رصد كل من

  1. في لجنة الأشراف بالمنيل : اتضح أن القاضي حتى الساعة 8:15 لم يحضر اللجنة
  2. في لجنة الأشراف في المنيل اتضح أن المرشح محمد عفيفي ( فلول حزب وطني )   يوزع الدعاية الانتخابية  خارج اللجان
  3. في لجنة القصر العيني اتضح أن القاضي لم يحضر حى الساعة 8:15
  4. في لجنة الشروق  مدرسة نبوية لم تكن الصناديق مغلقة بأقفال و لا يوجد كشوف بأسماء الناخبين معلقة على اللجان
  5. في الشروق مدرسة نبوية كان هناك ظابط داخل اللجنة في الساعة
  6. 8:53شكوى من دائرة دار السلام: سرادق وميكروفونات واستمرار الدعاية للحرية والعدالة
  7. العائلات متجمعة أمام اللجان وتسيطر عليها لدعم مرشحها وتمنع غيره من المرور على هذه اللجنة
  8. جميع لجان مجمع المدارس فى حدائق القبة لم تفتح حتى الآن وازدحام شديد حول اللجان وازدياد غضب المواطنين المنتظرون منذ سا عات 9:25
  9. مدرسة التربية الفكرية مدينة نصر؛ المنشورات جوا اللجنة
  10. مدرسة نصر  وجد أنه هناك من يوزع بوسترات للناخب
  11. الحرية والعدالة» ينقل مئات الناخبين بالأتوبيسات إلى اللجان في «مدينة نصر»  9:52
  12. الورق وصل لجنه عثمان بن عفان الساعه 10 وربع صباحا بدل من 8 ص
  13. الحرية و العدالة يوزعون دعاية انتخابية على الناخبين في درسة نبوية بالشروق
  14. الكتلة المصرية توزع دعاية انتخابية أمام اللجنة في شبرا
  15. أكتوبر الابتدائية في عين شمسلا يوجد قاضي حتى الآن و لم تبدأ الانتخابات بعد 10:28
  16. مدرسة مدينة نصر النموذجية، دائرة مدينة نصر أول: لا يوجد قضاة  10:25
  17. رجال الشرطة مازالوا داخل اللجان في مدرسة نبوية موسى بالشروق 10:36
  18. مدرسة جزيرة دار السلام… القاضى لوصل الآن و لا يريد فتح اللجنة 10:48
  19. غرفة عمليات المصريين الاحرار تشير إلى قيام قاضي مدرسة مصطفي كامل الثانوية 5 ش الظاهر القللي بإغلاقها لأسباب غير معروفة 10:50
  20. الى الاَن لم يبدأ التصويت فى معظم اللجان فى حى المطرية بالقاهرة  10:55
  21.  لم تفتح لجنة مدرسة جناكليز بمحطة الرمل وباب المدرسة مفتوح ولكن لم يدخل اى من الناخبين 10:15
  22.  مدرسة الحلمية التجريبية المميزة، اللجان لم تبدأ بعد لعدم وصول الأستمارات 11:15
  23. مدرسة روض الفرج الثانويةبنات – 4 لجان – الى الآن لم يصل القاضي  11:05

This slideshow requires JavaScript.

( شرح قانون مجلس الشعب ) المراجعة النهائية في قانون الانتخابات المصرية #egyelections

19 Nov

المراجعة النهائية في قانون الانتخابات المصرية

أنا حضرت الندوة بتاعت اللجنة العليا للانتخابات  في الجامعة الأمريكية ( عشان أبقى مراقب للانتخابات ) و حضرت كذا ندوة تانية عشان أفهم طلاسم القانون دا  و في الأخر مفهمتوش كويس إلا لما قريت قانون الإنتخابات بنفسي كويس

الموضوع ليه شقين : القوائم و الفردي .

الإتنين ملهمش علاقة ببعض

الكلام دا لكل واحد مش فاهم القانون و المراقبين بتوع الانتخابات اللي حضروا الندوات و مفهموش أي حاجة .

هتكلم الأول عن الفردي بعد كدا القائمة .

بالنسبة للفردي : انت هتدخل اللجنة حيدوك بطاقتين واحدة للفردي و واحدة للقوائم  . بالنسبة لبطاقة الفردي هتعلم على أي اسمين مش مهم صفتهم ايه بس أي اسمين

بالنسبة للقوائم : هتختار قائمة واحدة بس و و احدة لا غير .

انا بقول الكلام دا ليه قبل ما أدخل في التفاصيل ؟ عشان صوتك ميبطلش , 60 % من أصوات انتخابات الصيادلة كانت باطلة و احنا مش عاوزين دا يحصل تاني .

كمان مرة اختار أي اسمين في قائمة الفردي  و دخل البطاقة في صندوق الفردي و اختار قائمة واحدة بس  في القوائم و طبق الورقة و حطها قي صندوق القوائم .

نيجي بقى لتفاصيل القانون 

أولا بالنسبة للفردي

 انت من حقك تختار أي اتنين : 1 فئات و 1 عمال أو 2 فئات أو 2 عمال . لكن أي دائرة  فردي لازم يكون الناجحين فيها نصهم على الأقل عمال و فلاحين . دا معناه إيه ؟ 

بعد ما الناس تصوت  ممكن يحصل كذا سيناريو

الأسماء بعد الفرز بتتربت حسب  اللي أخد أكتر أصوات و السينارويهات كالتالي

  1. ممكن أعلى اتنين من حيث الأصوات في الدايرة يكونوا فئات  يعني مفيش عمال  قدروا ياخدوا أغلبية . في الحالة دي أعلى واحد واحد بس هو اللي هينجح و الدائرة هيبقى فيها إعادة بين أعلى اتنين في العمال و الفلاحين

  2. ممكن يكون أعلى اتنين هم عمال و فلاحين  . في الحالة دي مفيش إعادة  و الاتنين هيكسبوا

  3. واحد من الفئات يكسب و التاني من العمال يكسب لكن في الحالة دي لازم يكون الإتنين معاهم اعلى عدد من الأصوات

  4. واحد بس مترشح فئات و الباقي عمال و فلاحين فدا مش معناه ان الفئات يكسب بالتزكية لكنه لازم ينزل الانتخابات و ياخد 2 % من الأصوات  و نفس الكلام لو كان واحد بس عمال و فلاحين و الباقيين فئات

  5. محدش قدر ياخد الأغلبية لا عمال و فلاحين و لا فئات في الحالة دي تعاد الانتخابات بين الأربعة الأعلى تصويتا بحيث يكون 2 عمال و فلاحين و 2 فئات

    أنا حابب أوضح الموضوع دا بمثال عشان الناس بتتلخبط : لو عندك الدائرة فيها 10 ألاف صوت أيه اللي يحصل لو أعلى اتنين ,  واحد واخد 8000 صوت و التاني 7000 ايه اللي يحصل ؟ اللي بيعترض أنا سمعك كويس و معاك حق فعلا إزاي يبقى الدائرة فيها 10 ألاف صوت و واحد ياخد  8000 و التاني 7000 ؟

    قولك شوف يا سيدي الدائرة فيها 10 ألاف صوت الكلام دا معناه أن فيها 10 ألاف واحد لكن كل واحد ليه صوتين يبقى عدد الأصوات في الدايرة 20 ألف و بالتالي لو كان الاتنين فئات يبقى الل أخد 8000 صوت هو بس اللي يكسب و يحصل إعادة بين أعلى 2 في العمال و الفلاحين . أما لو كان الاتنين عمال و فلاحين يبقى الاتنين يكسبوا . أما لو كان واحد عمال و التاني فئات يبقى برضه الاتنين يكسبوا. تمام كدا؟ ( اللي مش واخد باله ال 8000 و ال 7000 أكبر من 50 % من ال 10 ألاف بتاعت الدائرة ).

أنا عاوز أركز على نقطة مهمة جدا في الفردي : لازم على الأقل 50 % عمال و فلاحين  لكل دائرة

ثانيا : القوائم

هتختار قائمة واحدة بس  و واحدة بس و واحدة بس و واحدة بس كررها ألف مرة لغاية متحفظها .

طيب إزاي يقى الأصوات بتتوزع ؟ كالتالي افرض ان عدد الأصوات الصحيحة في الدايرة دي كان 100,000

و قائمة 1 أخدت 50 ألف

و قائمة 2 أخدت 30 ألف

و قائمة 3 أخدت 20 ألف

و كان عدد المقاعد في الدايرة 10  ( اصحي معايا الله أبوس راسك  عدد المقاعد في القوائم ملوش علاقة بعدد المقاعد في الفردي )

يبقى قائمة 1 تاخد 5 مقاعد

و قائمة 2 تاخد 3 مقاعد

و قائمة 3 تاخد 2 مقعد . لغاية هنا مفيش مشكلة

طيب المشكلة فين ؟

المشكلة لو القوائم بقى فيها كسور

هنا بقى ندخل في حسبة برما

يبقى السؤال اللي عاوزين نجاوبة دلوقتي ايه اللي هيحصل لو القوائم فيها كسور ؟

 

القانون بيقول ايه ؟ بيقول أن أي قائمة  متخدش أكبر من 0.5 % من الأصوات على مستوى الجمهوية لا يتم تمثيلها في البرلمان .

يعني في المثال السابق لو كان عدد الأصوات على مستوى الجمهوية هو 40 مليون  يبقى ال 0.5 % بيساوي  200 ألف . يبقى عشان القائمة تاخد أي مقعد في البرلمان لازم يكون عدد الأصوات اللي تاخدها على مستوى الجمهورية هو 200 ألف و لو هي ما أخدتش ال 200 ألف لا تمثل بأي مقعد في البرلمان حتى لو كانت هي قائمة واحد في المثال السابق. عشان كدا القوائم كلها نازلة في كل الجمهوية عشان تجمع أصوات .

اصحى معايا الله يخليك لسه لغاية دلوقتي مخلصناش حسبة البرما

طيب بالنسبة للكسور هنتعامل معاها أزاي ؟

كالتالي

افرض ان قائمة 1 أخدت 46 ألف صوت

قائمة 2 أخدت 34 ألف صوت

قائمة 3 أخدت 12 ألف صوت

قائمة 4 أخدت 8 الاف صوت

طيب نعمل ايه ؟

القانون بيقول اننا نحسب حاجة اسمها المعامل الإنتخابي و بيتحسب كالتالي

= عدد الأصوات الصحيحة في كل الدائرة على عدد المقاعد

في المثال دا

المعامل الأنتخابي = 100000/10 = 10 ألاف

و كل معامل انتخابي ياخد مقعد واحد

يعني قائمة 1 تاخد 4 مقاعد بس و الباقي ليها 6000 صوت

قائمة 2 تاخد 3 مقاعد بس و الباقي ليها 4000 صوت

قائمة 3 تاخد 1 مقعد بس و الباقي ليها 2000 صوت

قائمة 4 متخدش و لا مقعد و يتبقى ليها 8000 صوت

كدا يتبقى في الدائرة 2 مقعد لسه متوزعوش

نتصرف إزاي ؟

و الله نشوف لو

 عندنا قائمة 4 مجموع أصواتها على مستوى الجمهوية اقل من ال 0.5 % اللي هم 200 ألف صوت يبقى ملهمش أي حاجة  و يطلعوا من المولد بلا حمص

أما لو فرضنا ان كل الوقائم في الدائرة دي  محققة نسبة ال 0.5 % يبقى ال 2 مقعد الباقيين بيتوزعوا حسب  الباقي من الأصوات

صاحب الباقي الأكبر ليه مقعد

وتاني أكبر باقي التاني ليه مقعد

و تالت أكبر باقي ليه مقعد و هكذا

يبقى في المثال دا

قائمة 4 ليها 8000 صوت كباقي و دا أكبر باقي يبقى ليها مقعد واحد

و قائمة 1 ليها 6000 صوت باقي و دا تاني أكبر باقي  و بالتالي ليها كمان مقعد

يبقى الدائرة دي

قائمة 1 أخدت 5 مقاعد

قائمة 2 أخدت 3 مقاعد

قائمة 3 أخدت 1 مقعد

قائمة 4 أخدت 1 مقعد

تمام كدا ؟

لو انت واخد بالك انا حتى الآن متكلمتش عن توزيع الأفراد داخل القائمة

أنا قولت بس ان القائمة الفلانية كسبت كذا مقعد و مجبتش سيرة مين في  أعضاء القائمة اللي هيكسب .

و دا هتكلم عنها دلوقتي

خد نفس و خد  هوووووووووووووووووووووووب  و تكتم عشان ايه ؟ متشتمش اللي كتب القانون دا .

السؤال بقى المهم إزاي و مين اللي هيكسب في اعضاء القائمة و هل لو قائمة 1 أخدت 3 مقاعد أول 5 فيها هم اللي هيكسبوا ؟

هصطدمك و أقولم مش شرط !

ليه بقى ؟

النقطة الجوهرية اللي هنا و لازم تحطها جوا دماغك هي ال 50 % عمال و فلاحين  يعني في الفردي لازم يبقة نصهم على الأقل عمال و فلاحين و لازم يبقى اللي ناجح في القوائم على الأقل برضه نصهم عمال و فلاحين .

القانون بيقول كدا بكل صراحة إن المجلس على الأقل 50 % يبقى عمال و فلاحين  .

لو انت فاكر  لما جيت اتكلمت عن الفردي كان لازم يبقى فيه إعادة عشان نضمن إنه يبقى فيه عمال و فلاحين , طيب في القوائم هنعمل إيه ؟

نقطة مهمة تخلي بالك منها :مش شرط ان  نسبة العمال و الفلاحين تبقى كمان 50 % في كل قائمة على حدة من الفائزين , هي هتبقى 50 % على الأقل . لكن اختيار الأعضاء الفائزين من القائمة لازم يحقق  ال 50 % على الأقل عمال و فلاحين جوا مجلس الشعب و جوا دوائر القوائم .

يعني ايه الكلام دا ؟

يعني في المثال التاني ممكن يكون رأس القائمة 2 هو فئات و اللي بعده عمال و اللي بعده فئات و اللي بعده عمال ( طبعا القانون بيقول ان واحد فئات بعد عمال و هكذا مينفعش اتنين من نفس الصفة يبقوا ورا بعض ) لكن بعد تجميع  الأصوات وجد  نسبة العمال و الفلاحين في المجلس و في الدايرة  أقل 50 % طيب يعمل ايه ؟ يبقى قائمة 2 اللي كان فيها فئات /عمال / فئات / عمال بالترتيب دا  , الفئات الثالث اللي فيها ميكسبش لكن اللي يكسب هو الرابع اللي هو عمال و فلاحين .

تيجي انت بقى تسالني طيب شمعنا قائمة 2  اللي يتاخد منها واحد زيادة؟ ليه مش قائمة  1 و لا 3 أو 4  ؟ أقولك انت كدا حطيت ايدك على المشكلة. كدا انت مركز أوي و انت معاك حق قائمة 2 مش هي اللي هيحصل معاها الموضوع دا .

مادة 15 مكرر بتقول انك لازم تحسب معامل انتخابي تاني و دا بيساوي عدد الأصوات اللي كل قائمة خدتها على عدد المقاعد و يتم استكمال باقي نسبة ال 50 % عمال و فلاحين من القوائم الأقل في المعامل الإنتخابي

طيب تعالى كدا نحسب المعامل الإنتخابي بتاع كل قائمة

قائمة 1 46000/5 = 9200

قائمة 2 34000/3=11333

قائمة 3 12000/1=12000

قائمة 4 8000/1 =8000

يبقى هنا قائمة 4 هي اللي هيتاخد منها الواحد الزيادة ( عمال و فلاحين ) أو لو كان أول واحد على رأس القائمة فئات يبقى ميتاخدتش و يتاخد أول  عمال و فلاحين ( يبقى التاني )

* أنا عاوز أنبه على حاجة مهمة أنا راجعت كل الدوائر الانتخابية : توزيع الدوائر بطريقة ذكية جدامثلا لو عندك دائرة فيها 8 مقاعد يبقى فيها 2 فردي و 6 قوائم

( أنا سامع واحد عمال يصرخ أهو و دا فعلا صاحي جدا. يا سعادة العمدة دوائر الفردي ملهاش علاقة بدوائر القوائم , لو انت أخدت بالك دائرة الفردي بتاعتك نطاقها الجغرافي مش هو دائرة القائمة ). يبقى نرجع تاني لو إنت عندك 6 مقاعد في القوائم
يبقى ممكن يحصل عندك كذا سيناريو
بالنسبة ل 6 بتوع القوائم ممكن 4+2 ( يعني قائمتين واحدة تاخد 4 مقاعد و التانية 2 ) يعني على الأقل منهم 3 عمال و فلاحين من ال 6 يبقى يبقى النسبة متحققة .
أو ممكن يبقى ال 6 بتوع القوائم كالتالي 3 + 2+1 يبقى عندك على الأقل 3 عمال و فلاحين برضه ( واحد على الأقل من أول قائمة + واحد من تاني قائمة و واحد من تالت قائمة لو النسبة العمال و الفلاحين متحققتش ) و بالتالي يبقى برضه عندك على الأقل 3 من القوائم عمال و فلاحين من ال 6 يبقى نسبة ال 50 % متحققة ) .

يبقى ممكن يحصل عندك كذا سيناريو

نفس الكلام بينطبق لو عندك دائرة فيها 10 مقاعد برضه أي تقسيمة ليهم هتخلي عندك على الأقل 50 % عمال و فلاحين .

ال 8 أسطر اللي فوق ( من أول كلمة أنا عاوز أنبه )  بيجاوبوا على السؤال إذا ما كان هيضطروا واحد زيادة عن نصاب الدائرة عشان يكملوا النسبة بتاعت العمال و الفلاحين : الإجابة لأ الدوائر متوزعة كويس أوي

لو انت أخدت بالك القانون منحاز لفئتين للعمال و الفلاحين و أصحاب المعامل الإنتخابي القليل جدا .عشان كدا طلعت السادات  راح طلع حيازة زراعية و نافس عمال و فلاحين . كمان لو انت خدت بالك ان نسبة ال 0.5 % هي نسبة صغيرة جدا و كدا أي حزب صغير ( الفلول ) هياخد مقعد بقوة القانون في المجلس .

أخر حاجة عاوز أقولها هي بالنسبة للإتنين فئات رئيس اللجنة العليا للانتخابات نفسه قال ينفع و ممكن تزور الرابط
دا
كما أكد أنه «يحق للناخب اختيار اثنين من مرشحى الفردى، ولا يشترط أن يكون أحدهما فئات والآخر (عمال ــ فلاحين)، كما كان يعمل سابقا، وإنما اللجنة أجازت للمرشح اختيار أى اثنين، ولكن فى حال أن اختار أكثر أو أقل من اثنين من المرشحين سيبطل الصوت».
أي حد يقولك 2 فئات مينفعش يبقى تخزق عينه

الحمد لله خلصت أخيرا 😀  😀

رابط النوت على الفيس بوك

مشاهد من التحرير يوم 28 أكتوبر

29 Oct

طبعا أنا كنت نازل التحرير يوم 28 أكتوبر عشان الاكتتاب بتاع القناة” الشعب يريد” و طبعا لا كان فيه اكتتاب و لا يحزنون و بعد كدا يوم الخميس بليل سمعت ان فيه واحد اتقتل اسمه عصام على عطا اتعذب في السجن  و مات من التعذيب و الناس مصممة انها تشيع جنازته من التحرير فقولت لازم ننزل عشان نعمل شوية زخم في الشارع لأني شوفت ان الكلام اللي اتقال على خالد سعيد بدأ يتقال مرة تانية على عصام ( دا عيل حشاش , دا مسجل خطر , زي ما قالوا على خالد سعيد انه حشاش و اتفصل من الجيش و بيشرب بانجو و و ) , الحاجات دي اثرت في نفسي جدا لأن واضح اننا متعملناش حاجة من التاريخ و التجربة . الشهادة لله ان أغلب صحابي كان موقفهم من عصام كان جيد و الناس كانت حاسة ان اللي حصل دا غلط مع انهم شاكّين لكن المرة دي عكس خالد سعيد كانوا متعاطفين   جدا لكن في شوية عيال على رأي الدكتور باسم ” عيل عنده عشر سنين قاعد في أوضة ضلمة ” مطينين عيشتنا ..

المهم أنا وصلت الميدان و قعدت أدور على  الاكتتاب ملقتش حد قعدت ألف في الميدان لاقيت طبعا كالعادة مفيش أي تفتيش عند البوابات و العربيات ماشية عادي خالص من ناحية قصر النيل و المتحف المصري حتى الموتسيكلات كانت بتيجي من ناحية محمد محمود و القصر لعيني و تدخل بين الناس عداي و تكمل و لما تيجي توقف حد يقولك يا عن احنا عاوزين نكمل و تشد معاه .

دا بالنسبة للمرور

.

بالنسبة للمنصات كان فيه منصة لحازم صلاح و منصة عند هاديز اللي هي المفروض المنصة الرئيسية لكن الناس كان عند حازم صلاح أكتر روحت أقف عند حازم صلاح لقيهم بيتكلموا عن تطبيق الشريعة و وجوب الدولة الإسلامية فاتخنقت و مشيت _ احنا جايين نتكلم عن انتخابات الرئاسة و تسليم السلطة للمدنيين و تشييع جنازة الرجل اللي تقتل في السجن  ايه بقى جاب موضوع الشريعة دلوقتي ؟

 

لكن الحق يتقال ان المنصة كانت بترحب بكل الناس و كان الراجل دايما بيقول انهم إخواتنا بعد كدا واحد من 6 إبريل  طلع على المنصة يقول شوية كلام مش مهم نحكيهم هنا دلوقتي و كذا واحد برضه طلعوا يتكلموا .

 

و أنا عمال أفكر وبكتب على تويتر قابلت واحد من زمايلي — قالي إزيك يا دكتور أحمد ( بكره كلمة دكتور جدا) انت فين ؟ قولتله إزيك يا فريد  أنا الحمد لله عاش من شافك و بعد كدا قالي تعال أنا معايا ناس من زمايلي , و احنا ماشيين فبيقول  هي الدفنة إمتى ؟ قولتله معرفش  لكن المنصة بتقول إنهم مش عاوزين يسلمولهم الجثة و أنا على تويتر الكلام انه الجثة خلاص اتسلت و جاية من القصر العيني و فعلا بعد ساعة بالظبط كانت الجثة وصلت

 

— قبل ما الجثة ما توصل قعدت أتكلم أنا  وزمايله على البلد و الثورة و الكجلس العسكري و كان فيه إجماع ان البلد ماشية في الاتجاه الغلط  و المجلس العسكري بيخون الثورة و بيلعب لمصلحته لكن فيه انقسام هل المجلس عاوز الحكم و لا لأ فيه ناس تقول هو عاوز امتيازات و و مش هيمشي إلا بعد الدستور بعد ما يتحط مادة في الدستور انهم فوق المحاسبة و أنا أظن أن المجلس مش هيسبها ببساطة لأن محدش في السلطة بيسبها إلا لما يكون فيه توازنات قوى و القوى السياسية حاليا ممعهاش متفرقة و مش طايقين بعض و الناس في الشارع كل واحد عامل حزب لنفسه و مش متفقين على حاجة و خروج المجلس العسكري من الحكم لازم يبقى معانا رادع و القوة في صالحنا  و دا مش متوفر حاليا .

 

— بعد كدا الجثة وصلت من ناحية القصر العيني فعلا و المغرب كان دخل و أول ما جابوا الجثة نزلوها من العربية و فاعدوا يلفوا بيها الميدان و الناس عماله تجري وراهم و بعد كدا  قاموا دخوا بيها على عمر مكرم  طبع الشارع قدام عمر مكرم كان زحمة جدا و الناس كانت بدأت تنتظم في الصفوف بعد كدا قام شيخ قال ان الناس اللي بتصلي في الشارع قدام الإمام صلاتهم باطلة !! و لازم يرجعوا وراء الإمام طبعا حصل هرج و مرج و أنا قعدت أفهم الناس ان دا اضطرار و الناس بتصلي قدام الإمام في الحرم المكي و مفيش حاجة لكن برضه في ناس رجعت المشكلة ان الناس انقسمت فيه ناس معرفتش ترجع ورا الإمام ( لازم ينطوا ورا السور في الجنينة جنب تمثال عمر مكرم ) فالناس دي  وقفت مكانها و أنا منهم لأن الدنيا كانت زحمة و الإمام بدأ الصلاة بعد الكلام بتاعه علطول فصليان مكانا و خلاص و اللي معرفش يرجع وقف قدامنا و مصلاش !! و بكدا يبقى المرحوم خسر الناس اللي مصلتش عليه

* تعليقي : دا طبعا قمة التهريج الإمام لو مذاكر كويس كان عرف ان مذهب المالكية ممكن تصلي قدام الإمام من غير كراهة لو كان هناك ضرورة ليه بقى تجبر الناس على مذهب أبو حنيفة و الحنابلة ؟ المشكلة انك تحاول تفهم الناس  ان الصلاة في الحرم قدام الإمام بتحصل و مفيش حاجة برضه يقولك لأ هو فاهم أحسن مننا ! لا حول و لا قوة إلا بالله  ! مبقناش عارفين نشغل مخنا

 

— بعد كدا الجنازة خرجت من الجامع و برضه مصممين يلفوا بيه الميدان طبعا كل دا و انا و زميلي واقفين مع بعض لحسن نتوه من بعض في الزحمة , هم قاعدوا يلفوا كذا مرة لغاية و انا ماشي لقيت أمه و اخته بيعيطوا قولتلهم فيه ايه قالولي عاوزين ندفنه مش عارفين حد يخليهم يحطوا الجثة في العربية و يطلعوا على البساتين , صعبت على و روحت انا و زميلي جرينا لغاية واوصلنا قدام الجنازة و كلمنا الناس اللي شايلين الجثة و قولتهم أمه بتعيط و عاوزاه يندفن ( كانت الجنازة ساعتها ورا مجمع التحرير )

قالولي ماشي ماشي طبعا انا عارف انهم مش هيسمعوا الكلام و هيفضلوا يلفوا بيه و يقولوا يسقط يسقط المشير و يسقط المجلس العسكري في الليلة الهباب دي

 

من حسن الحظ ان أنا لقيت العريية اللي كانت جايباه من المشرحة واقفة قدام عمر مكرم قولته أقف هنا ( قدام المفارق بين  عمر مكرم و المجمع عند سميراميس ) و اقطع عليهم السكة و متخليش حد يعدي  و خد الجثة و امشي من هنا . طبعا هو وقف قدامهم و قمة التهريج بدات كل واحد عاوز يركب في العربية و الإتنين اللي قاعدين مع السواق قدام مش عارفين يعملوا حاجة لغاية ما الناس فتحت الباب الخلفى ( عربية تويتا قديمة ) و منعوا أي حد يدخل مع التابوت إلا اللي كانوا جوا .

 

بعد كدا السواق مشي من قدام السفارة الأمريكية و الناس مشيت معاه  و معرفش إزاي دا حصل  لكن فيه طوب اتحدف على الناس و فيه 2 أو 3 راسهم اتفتحت  فجأة لقيت ضرب النار بدأ قدام السفارة الأمريكية في الهوا  , لن فيه بعض الشباب وقفوا يهتفوا قدام السفارة , و الناس بدات ترجع الميدان بعد ما العربية كملت و مشيت على البساتين .

 

رجعت انا و زميلي و صلينا العشاء  و بعد كدا قعدنا شوية لقيان العيال بتوع الجرافيتي قاعدين بيتكلموا و مش عارفين اي حاجة و الناس التانية قاعدين بتكلموا في أي حاجة و ناس عند المنصة عمالين يخطبوا خطبة دينية  و تطبيق الشريعة برضه  وو احد من زمايلي بيقول انا لو الإخوان حكموا البلد هغير جنسية و ههاجر ! و أنا مروح في المواصلات لقيت السواق مشغل أغنية ظلموه !

 

و أخيرا رجعت البيت !

 

http://www.facebook.com/notes/ahmad-abdullah/%D9%85%D8%B4%D8%A7%D9%87%D8%AF-%D9%85%D9%86-%D8%A7%D9%84%D8%AA%D8%AD%D8%B1%D9%8A%D8%B1-%D9%8A%D9%88%D9%85-28-%D8%A3%D9%83%D8%AA%D9%88%D8%A8%D8%B1/10150349728261936

نتيجة الانتخابات في تونس

27 Oct

نتيجة انتخابات المجلس الوطني التأسيسي  تونس

النهضــــــــــــــــــــــــــة 86 مقعد بنسبة 39 %
المؤتمـــــــــــــــــــــــــر 31 مقعد بنسبة 14 %
العريضـــــــــــــــــــــــــة 27 مقعد بنسبة 12 %
التكتــــــــــــــــــــــــــــل 23 مقعد بنسبة 10 %
الديموقراطي التقدمي 17 مقعد بنسبة بنسبة 7 %

نص قانون مباشرة الحقوق السياسية

20 May

المجلس الأعلى للقوات المسلحة يصدر قانون مباشرة الحقوق السياسية بعد نتيجة التعديلات الدستورية لسنة 2011

 (المادة الأولى):

تستبدل بالمواد أرقام 3 مكررًا (ح)، مكررًا (أ)، ومكررًا (ب)، ومكررًا (ج)، ومكررًا (د)، مكررًا (ه)، مكررًا (و)، مكررًا (ز)، مكررًا (ح، مكررًا (ط)، والمادة (5)، والمادة (7)، والمادة (10)، والمادة (11)، والمادة (15)، والمادة (20)، والمادة (32)، والمادة (36)، والمادة (37) من القانون رقم 73 لسنة 1956 بتنظيم مباشرة الحقوق السياسية المواد الآتية:- 

المواد الآتية:-

مادة 3 مكررًا:

تجرى انتخابات كل من مجلسي الشعب والشورى، والاستفتاء تحت إشراف اللجنة العليا للانتخابات المنصوص عليها في المادة (39) من الإعلان الدستوري الصادر بتاريخ 30/3/2011.

مادة 3 مكررًا (أ):

تشكل الجنة العليا للانتخابات برئاسة رئيس محكمة استئناف القاهرة وعضوية السادة:

– أقدم نائبين من نواب رئيس محكمة النقض.

– أقدم نائبين لرئيس مجلس الدولة.

– أقدم رئيسين بمحاكم الاستئناف تاليين لرئيس محكمة استئناف القاهرة.

ويراعى عدم الجمع بين عضوية هذه اللجنة، وعضوية أي لجنة أخرى تشرف على أعمال الانتخابات، أو الاستفتاءات العامة.

وتختار المجالس العليا للهيئات القضائية المشار إليها عضوًا احتياطيًّا بمراعاة الأقدمية.

وتكون للجنة العليا للانتخابات شخصية اعتبارية عامة، وأمانة فنية دائمة يصدر بتنظيمها قرار من رئيس جمهورية، ويكون مقرها القاهرة الكبرى، ويمثلها رئيسها.

مادة 3 مكررًا (ب):

يخطر رؤساء الهيئات القضائية وزير العدل بأسماء أقدم النواب المختارين من بين كل جهة ويصدر بتشكيل اللجنة قرار من رئيس الجمهورية بناء على عرض وزير العدل 

مادة 3 مكررًا (ج):

إذا قام مانع لدى رئيس اللجنة يحل محله أقدم رؤساء محاكم الاستئناف.

وإذا وجد مانع لدى أحد أعضاء اللجنة حل محله العضو الاحتياطي الذي رشحه المجلس الأعلى للجهة التي يعمل بها.

وفي جميع الأحوال يكون الحلول طوال مدة قيام المانع، وفي هذه الحالة يختار المجلس الأعلى للهيئة القضائية للعضو عضوًا احتياطيًّا آخر.

مادة 3 مكررًا (د):

تجتمع اللجنة بدعوى من رئيسها ولا يكون اجتماعًا صحيحًا إلا بحضور رئيسها، وأربعة من أعضائها على الأقل، وتكون مداولتها سرية، وتصدر قراراتها بأغلبية أربعة من تشكيلها على الأقل.

وتنشر القرارات التنظيمية للجنة في الوقائع المصرية كما ينشر ملخص وافٍ لها في جريدتين صباحيتين واسعتي الانتشار.

مادة 3 مكررًا (هـ):

تشكل اللجنة العليا للانتخابات لجنة انتخابية لكل محافظة برئاسة رئيس بمحاكم الاستئناف، وعضوية مستشار بمجلس الدولة ورئيس بالمحكمة الابتدائية، وأحد نواب رئيس هيئة قضايا الدولة، وأحد نواب رئيس النيابة الإدارية تختارهم المجالس العليا للجهات المشار إليها، وتختار كل من تلك المجالس العليا عضوًا احتياطيًّا يحل محل العضو الأصلي عند قيام مانع لديه.

مادة 3 مكررًا (و):

تختص اللجنة العليا للانتخابات فضلاً عما هو مكررًا لها بهذا القانون، بما يأتي:

أولاً: تشكيل اللجان العامة للانتخابات ولجان الاقتراع والفرز المنصوص عليها في هذا المرسوم بقانون، وتعيين أمين لكل لجنة.

ثانيًا: الإشراف على إعداد جداول الانتخابات من واقع بيانات الرقم القومي ومحتوياتها وطريقة مراجعتها وتنقيتها وتحديثها، والإشراف على القيد بها وتصحيحها.

ثالثًا: وضع وتطبيق نظام للرموز الانتخابية بالنسبة لمرشحي الأحزاب السياسية والمستقلين.

رابعًا: تلقي البلاغات والشكاوى المتعلقة بالعملية الانتخابية والتحقق من صحتها وإزالة أسبابها.

خامسًا: وضع القواعد المنظمة لمشاركة منظمات المجتمع المدني المصرية والدولية في متابعة كافة العمليات الانتخابية.

سادسًا: وضع القواعد المنظمة للدعاية الانتخابية بمراعاة أحكام المادة (من الإعلان الدستوري والمادة الحادية عشرة من القانون رقم 38 لسنة 1972)، في شأن مجلس الشعب، على أن تتضمن هذه القواعد حظر استخدام شعارات، أو رموز، أو القيام بأنشطة للدعاية الانتخابية ذات الطابع الديني، أو على أساس التفرقة بسبب الجنس، أو الأصل.

سابعًا: وضع قواعد توزيع الوقت المتاح خاصة في أوقات الذروة للبث التلفزيوني، والإذاعي بغرض الدعاية الانتخابية في أجهزة الإعلام الرسمية، والخاصة على أساس المساواة التامة.

ثامنًا: إعلان النتيجة العامة للانتخاب وللاستفتاء.

تاسعًا: تحديد مواعيد الانتخابات التكميلية.

عاشرًا: إبداء الرأي في مشروعات القوانين المتعلقة بالانتخابات.

مادة 3 مكررًا (ز):

على المرشح أن يلتزم بالقواعد المنظمة للدعاية الانتخابية على الوجه المبين بالدستور والقانون.
مادة 3 مكررًا (ح):

مع عدم الإخلال بأحكام المادة الحادية عشرة من القانون رقم (38 لسنة 1972) في شأن مجلس الشعب يترتب على مخالفة الدعاية الانتخابية للحظر المنصوص عليه في البند (سادسًا) من المادة (3) مكررًا (و) من هذا القانون، شطب اسم المرشح من قائمة المرشحين في الدائرة.

ويتولى رئيس اللجنة العليا للانتخابات إلى ما قبل انتهاء عملية الاقتراع طلب شطب اسم المرشح في تلك الحالة من المحكمة الإدارية العليا. 

وتفصل المحكمة الإدارية العليا في الطلب على وجه السرعة دون عرضة على هيئة مفوضي الدولة، وذلك بحكم لا تجوز المنازعة في تنفيذه إلا أمام المحكمة التي أصدرت الحكم.

فإذا قضت المحكمة بشطب اسم المرشح إلى ما قبل بدء عملية الاقتراع تستكمل إجراءاته بعد استبعاد من تم شطب اسمه.

أما إذا بدأت عملية الاقتراع قبل أن تفصل المحكمة في الطلب، وتستمر إجراءات الاقتراع على أن توقف اللجنة العليا للانتخابات إعلان النتيجة في الانتخابات التي يشارك فيها المرشح المطلوب شطبه إذا كان حاصلاً على عدد من الأصوات يسمح بإعلان فوزه، أو بإعادة الانتخاب مع مرشح آخر فإذا قضت المحكمة بشطبه تعاد الانتخابات بين باقة المرشحين.

وفي جميع الأحوال يتم تنفيذ الحكم بمسودته ودون إعلانه.

مادة 3 مكررًا (ط):

يشكل رئيس اللجنة العامة أمانة عامة لها برئاسة أحد نواب رئيس محكمة النقض، أو من في درجته وعضوية عدد كافٍ من القضاة يختارهم مجلس القضاة الأعلى، وممثل لوزارته الداخلية، والاتصالات وتكنولوجيا المعلومات، والتنمية المحلية يختارهم الوزراء المختصون وتحدد اللجنة اختصاصات الأمانة العامة، ونظام العمل بها.

ولرئيس اللجنة أن يطلب ندب من يرى الاستعانة به في أي شأن من شئون الأمانة العامة من بين العاملين في الدولة، والخبراء المختصين.

وفي جميع الأحوال تتحمل الجهة المنتدب منها إلى الأمانة العامة كل المستحقات المالية لمن يتم ندبه كما لو كان قائمًا بالعمل لديها، وذلك طوال مدة الندب.

المادة (5)

تنشأ قاعدة بيانات للناخبين تقيد فيها تلقائيًّا من واقع بيانات الرقم القومي الثابتة بقاعدة بيانات مصلحة الأحوال المدنية بوزارة الداخلية أسماء من تتوافر فيهم شروط الناخب، ولم يلحق بهم أي مانع من موانع مباشرة الحقوق السياسية على مدار العام، وذلك في المكان وبالكيفية التي تبينه اللائحة التنفيذية.

المادة (7)

تقوم النيابة العامة بإبلاغ اللجنة العليا للانتخابات، ووزارة الداخلية للأحكام النهائية التي يترتب عليها الحرمان من مباشرة الأحكام السياسية أو وقفها.

وفي حالة فصل العاملين في الدولة، أو القطاع العام لأسباب مخلة بالشرف تقوم الجهة التي كان يتبعها العامل بهذا الإبلاغ.

ويجب أن يتم الإبلاغ في جميع الحالات خلال خمسة عشر يومًا من التاريخ الذي يصبح فيه الحكم أو القرار نهائيًّا.

المادة (10)

لا يجوز إدخال أي تعديل على قاعدة بيانات الناخبين بعد دعوة الناخبين إلى الانتخاب أو الاستفتاء.

المادة (11)

الموطن الانتخابي هو محل الإقامة الثابت ببطاقة الرقم القومي.

المادة (15)

لكل من أهمل قيد اسمه في قاعدة بيانات الناخبين بغير حق، أو حدث خطأ في البيانات الخاصة بقيده، أو توافرت فيه شروط الناخب، أو زالت عنه الموانع بعد تحرير قاعدة البيانات أن يطلب قيد اسمه، أو تصحيح البيانات الخاصة بالقيد.

ولكل ناخب مقيد اسمه في قاعدة بيانات الناخبين أن يطلب قيد اسم من أهمل بغير حق، أو حذف اسم من قيد بغير حق، أو تصحيح البيانات الخاصة بالقيد.

وتقدم هذه الطلبات كتابة في مدار العام إلى اللجنة المنصوص عليه في المادة (16) من هذا القانون، وتقيد بحسب ورودها في سجل خاص، وتعطى إيصالات لمقدميها.

المادة (20)

على قلم كتاب المحكمة إخطار مدير الأمن ولجنة الانتخابات بالمحافظة، ولجان القيد بالأحكام الصادرة بتعديل الجداول، وذلك خلال الخمسة أيام التالية لصدورها، ويراعى في كل ما سبق ما ورد بالمادة (10).

المادة (22)

يعين ميعاد الانتخابات العامة بقرار من رئيس الجمهورية، والتكميلية بقرار من رئيس اللجنة العليا للانتخابات، ويكون إصدار القرار قبل الميعاد المحدد بإجراء الانتخابات بثلاثين يومًا على الأقل.

أما في أحوال الاستفتاء، فيجب أن يتضمن القرار المواعيد المنصوص عليها في حالة الاستفتاء المقررة في الدستور.

المادة (24)

تحدد اللجنة العليا للانتخابات عدد اللجان الفرعية التي يجرى فيها الاستفتاء، والانتخاب وتعيين مقرها، كما تعين مقار اللجان العامة، وذلك كله بعد أخذ رأي وزير الداخلية.

وتتولى اللجنة العليا للانتخابات تشكيل اللجان العامة على مستوى الدوائر الانتخابية من عدد كافٍ من أعضاء الهيئات القضائية، مع تعيين أمين لكل لجنة وعضو احتياطي لكل منها.

وتقوم اللجنة العليا بالفصل في ما تتلقاه من بلاغات، وشكاوى ومتابعة سير أعمال لجان الاقتراع في الدائرة.

كما تتولى اللجنة العليا للانتخابات تشكيل اللجان الفرعية التي يجرى فيها الاستفتاء والانتخاب، على أن تشكل كل لجنة من رئيس من أعضاء الهيئات القضائية، مع تعيين أمين وعضو، وآخر احتياطي لأي منهما لكل لجنة وذلك من بين العاملين المدنيين في الدولة، ويجوز أن يرأس عضو الهيئة القضائية أكثر من لجنة فرعية، وبما لا يجاوز ثلاث لجان، على أن يضمها جميعًا ودون فواصل، مقر واحد يتيح لرئيسها الإشراف الفعلي عليها جميعًا.

ويحدد القرار الصادر بتشكيل اللجان العامة من يحل محل رئيس اللجنة عند غيابه أو وجود عذر يمنعه من العمل، على أن يكون من أعضاء الهيئات القضائية.

وفي حالة الانتخاب لعضوية مجلسي الشعب والشورى يكون لكل مرشح أن يندب عضوًا من بين الناخبين في نطاق اللجنة العامة لتمثيله في ذات اللجنة العامة- وعضوًا من الناخبين المقيدة أسماؤهم في جداول انتخاب اللجنة الفرعية لتمثيله في ذات اللجنة الفرعية، وأن يبلغ رئيس اللجنة ذلك كتابة قبل بدء الانتخابات فإذا مضت نصف ساعة على الميعاد المحدد للبدء في عملية الانتخاب دون أن يصل عدد المندوبين إلى اثنين، أكمل الرئيس  

هذا العدد من بين الناخبين الحاضرين الذين يعرفون القراءة، والكتابة المقيدة أسماؤهم في نطاق اللجنة على الوجه السابق- فإذا زاد عدد المندوبين على ستة، وتعذر اتفاق المرشحين عليهم عينهم رئيس اللجنة بالقرعة من بين المندوبين.

وفي جميع الأحوال تبدأ عملية الانتخاب، أو الاستفتاء إذا مضت ساعة على الميعاد المحدد لها، دون أن يتقدم المرشحون بمندوبين عنهم، أو إذا لم يتمكن رئيس اللجنة من استكمال من يحل محلهم.

وكذلك يكون لكل مرشح أن يوكل عنه أحد الناخبين من المقيدين في ذات الدائرة الانتخابية ليمثله أمام كل لجنة انتخابية عامة، أو فرعية ويكون لهذا الوكيل حق الدخول في جمعية الانتخابات أثناء مباشرة الانتخابات وأن يطلب إلى رئيس اللجنة إثبات ما يعني له من ملاحظات بمحضر الجلسة ولا يجوز له دخول قاعة الانتخاب في غير هذه الحالة ويكفي أن يصدق على هذا التوكيل من إحدى جهات الإدارة أو اللجنة الانتخابية بالمحافظة، ويكون التصديق بغير رسم ولو كان أمام إحدى الجهات المختصة بالتصديق على التوقيعات، ولا يجوز المندوب أو الوكيل عمدة أو شيخًا ولو كان موقوفًا.

المادة (26)

حفظ النظام في جمعية الانتخاب منوط برئيس اللجنة وله في ذلك طلب معاونة رجال السلطة العامة عند الضرورة على أنه لا يجوز أن يدخل أحد من هؤلاء قاعة الانتخاب إلا بناءً على طلب رئيس اللجنة على أن يثبت ذلك بمحضر الإجراءات.

وجمعية الانتخاب هي المبنى الذي توجد به قاعة الانتخابات والفضاء الذي حولها- ويتولى رئيس اللجنة تحديد هذا الفضاء قبل بدء العملية.

المادة (31)

لا يقبل في إثبات شخصية الناخب صور بطاقة الرقم القومي.

المادة (32)

على أمين اللجنة أن يوقع في كشف الناخبين أمام اسم الناخب الذي أدى رأيه بما يفيد ذلك.

وفي حالات الاستفتاء يجوز للناخب أن يبدي رأيه أمام لجنة الاستفتاء المختصة بالجهة التي يوجد فيها، وفي هذه الحالة يثبت أمين اللجنة البيانات الواردة بالرقم القومي وذلك في كشف مستقل يحرر من نسختين يوقع عليهما رئيس اللجنة أو أعضائها أو سكرتيرها.

المادة (36)

يعلن رئيس اللجنة العامة نتيجة الانتخابات أو الاستفتاء وفقًا للنظام الانتخابي المتبع ويوقع هو وأمين اللجنة العامة في الجلسة على ثلاث نسخ من محضرها ترسل إحداها مع أوراق الانتخاب أو الاستفتاء إلى اللجنة العليا للانتخابات مباشرة والثانية إلى وزير الداخلية وتحفظ النسخة الثالثة بلجنة الانتخابات بالمحافظة.

المادة (37)

يعلن رئيس اللجنة العليا للانتخابات النتيجة العامة للانتخابات أو الاستفتاء بقرار منه خلال أيامه الثلاثة التالية لإعلان رؤساء اللجنة العامة نتائج الانتخاب أو الاستفتاء في الدوائر الانتخابية أو عقب انتهاء المراحل الأخيرة من الانتخابات في حالة إجرائها على عدة مراحل ووفقًا للنظام الانتخابي المتبع، وينشر هذا القرار في الوقائع المصرية خلال يومين من تاريخ صدوره.







طنطاوي المشير سامي عنان ممدوح شاهين 



البرادعي أيمن نور 

الشهيد ميلاد سعيد عياش

14 May

شاهد أول الفيديوهات و اللقطات للشهيد ميلاد سعيد عياش  من بلدة سلون في فلسطين

من داخل المستشفى بإذن الله تكون الشرارة التي تشعل الإنتفاضة الثالثة في وجه إسرائيل

%d bloggers like this: